Back Кападокийски диалект Bulgarian Capadoci Catalan Kapadocká řečtina Czech Kappadokische Sprache German Καππαδοκική διάλεκτος Greek Cappadocian Greek English Idioma griego de Capadocia Spanish Cappadocien French Grego capadocio Galician Kapadocijski grčki jezik Croatian
Gresianeg Kappadokia, anvet ivez Kappadokieg pe c'hoazh gresianeg Azia Minor a zo anv ur rannyezh gresianek a-vremañ bet komzet gwezhall e Kappadokia (Kreiz Turkia).
Abalamour d'an eskemmoù poblañs etre Gres ha Turkia er bloavezhioù 1920 e oa bet rediet ar gappadokegerion da vont kuit diouzh Turkia hag adannezañ e Gres, o vont da chom dreist-holl e Kreiz hag e Norzh ar vro.
Buan-tre da c'houde e oa bet dilezet gante rannyezh gresianek Kappadokia evit ober gant ar gresianeg unvan betek ma kredas e oa aet da get penn-da-benn ar yezh abaoe ar bloavezhioù 1960.
E 2005 avat, e oa bet dizoloet gant Mark Janse (Roosevelt Academy, Middelburg) ha gant Dimitris Papazac'hariou (Skol-Veur Patras) Kappadokiz a-orin e Kreiz ha Norzh Gres barrek war o yezh vamm c'hoazh, en o zouez tud a oad etre hag ivez komzerion staliet eno abaoe tri rummad ma vez sellet gwelloc'h gante ouzh o yezh-i evit gant o zud hag o zud-kozh ac'h a kentoc'h e gresianeg unvan dre ma sellont ouzh ar c'happadikeg evel ur yezh isprizeit.